Наурызнама тұжырымдамасына сәйкес Ұлттық ойын күні құрметіне Аудандық Бұқаралық - спорттық іс-шараларды өткізу орталығы мен Бірлік орта мектебі ұйымдастыруымен тоғызқұмалақтан мұғалімдер арасында және басқа да ұлттық ойындардан оқушылар арасында жарыстар өтті.

Наурызнама тұжырымдамасына сәйкес шағын орталық бүлдіршіндері мен мектепалды даярлық сыныбының оқушылар ұлттық ойын түрлерімен танысты

1-сынып оқушысы Нұржанұлы Нұрғасыр әкесімен шабармандық өнерімен бөлісуде.  Нұрғасыздың әкесі атбегі. Баласын кішкене күнінен жылқының құлағында ойнайтын нағыз қазақ еріне тән ұлттық өнерге баулып шабандоздықтың қыр-сырын үйретіп келеді.  Жарайсың, Нұрғасыр! Нағыз қазақ баласы!

Футзалдан 9-11 сынып ұлдары арасында "Ұлттық мектеп лигасының" аудандық кезеңінде мектебіміздің командасы жүлделі ІІ орынға ие болды. Шешуші сәтте қарсылас тарапынан гол соққан 10-сынып оқушысы Тлеулес Елнұр "Үздік ойыншы" номинациясымен марапатталды.

Ертең, 10 қаңтар күні ата-аналарға мектебімізде Ашық есік күні жарияланады. Ата-аналар жеке сұрақтары бойынша мектеп директорының жеке қабылдауына кіре алады.

Қысқы демалыс кезінде оқушылардың бос уақытын тиімді өткізу мақсатында жоғарғы сынып оқушылары арасында баскетболдан турнир ұйымдастырылды.

Қысқы демалыс күндері  оқушылардың бос уақытын тиімді өткізу мақсатында қаңтар айының 03 күні мектеп стадионында ұлдар арасында шағын футбол ойыны ұйымдастырылды. 

Тәуелсіздік күні құрметіне аудан бойынша балалар арасында шағын футболдан мектебіміздің бүлдіршіндерінен құралған команда жүлделі 1-орынды қанжығалады.  топ командирі Бақытбек Нұржан үздік ойыншы деп танылды. 

Бірлік ауылында жаңа мектеп ғимаратының қолданысқа берілуі құрметіне ауыл тұрғындары ас беріп, спорттық ойындардан жарыс ұйымдастырды. Шара барысында ауыл әжелері сынға түсіп, "Үздік әже" байқауына қатысты. Ауыл тұрғындары спонсорлығымен қатысушыларға бағалы сыйлықтар таратылды. Жергілікті жеке шаруашылықтардан құралған меценаттар 15 балаға саяхатқа жолдама сыйлады. Оқу жылының қорытындысы бойынша үздік деп танылған шәкірттерімізге танымдық саяхатқа бару мүмкіндігі бар.

Мектебімізде 25 қазан—Қазақстан Республикасы күніне орай бірыңғай Мемлекеттік Гимн орындалды. https://www.instagram.com/p/CyziijtoCLt/?utm_source=ig_web_copy_link&igshid=MzRlODBiNWFlZA==